Apr 13, 2018

Le malediction del nocte



Le malediction del nocte
grava super le terra
Crepusculo triste, eterne
omne le dies serra

Le umbras devora me lento
Cata die illos prende un poco
Gratta mi suras arbustos spinose
quando io vade al vias roccose

Io non plus pote currer
le fuga: prevenite del nocte
Cadente al genus io vole orar
a un Deo jam defuncte

Distante stellas sempre pallide
non audi mi lamentation
Le Luna monstra frigide lumine
que non pote dar consolation

Putrente cadavere es le amor
Illo disperge un dulciastre odor
Mi bronchios corrode con cata halito
Lucto induce in tote mi spirito

Io non plus pote viver
Impossibile etiam serea morir
Io me transforma ad un serpente
e repe sub terra tardivemente

Apr 12, 2018

UMI


Io ha discoperite que io es adjungite a un organisation con le nomine UMI. Alora io decideva investigar que significa UMI. Ecce que io discoperiva:
UMI es le

Unione Matematica Italiana
Isto es peculiar, proque io non es tanto talentose in le dominio de mathematica. Alora il es improbabile que io me adjungerea a un tal organisation. Dunque io concludeva que io es le membro de un altere organisation que usa le mesme acronymo:

Uganda Management Institute
Isto es un instituto statal in Uganda que se occupa de education in le campo de administration. Io nunquam ha essite in Uganda e non labora in le administration, alora isto non es le juste UMI. Ma forsan

Urban Ministries, Inc.
Isto es un independente interprisa medial que publica libros, films e contento de internet etc, adressate a christianos afro-american. De novo occurreva un error: io non es afro-american. Finalmente io trovava que significa UMI in mi caso:

Union Mundial de Interlingua!

Credentia

Le ver mysterio del credentia
es que homines crede
sin saper le factos

Similaritate Interlingua/espaniol


In iste secunde articulo in le serie del comparationes del 100 parolas le plus frequente inter Interlingua e varie linguas io comparara Interlingua et espaniol.

Le lista con le parolas espaniol veni de iste adresse:

Le parolas jam esseva traducite ad anglese. Assi io ha retenite le traductiones anglese e addite un traduction a Interlingua. Al dextere latere io ha evalutate le similaritate con Interlingua.
0=nulle similaritate
0,5=similaritate partial
1=grande similaritate

Pro un plus profunde explication de iste serie de comparationes: lege le prime articulo:

Espaniol / Anglese / Interlingua / Similaritate

1. el la (def. art.) the / le / 0,5
2. de (prep.) of, from / de / 1
3. que (conj.) that, which / que / 1
4. y (conj.) and / e / 0,5
5. a (prep.) to, at / a / 1
6. en (prep.) in, on / in / 1
7. un (indef. art.) a, an / un / 1
8. ser (verb) to be / esser / 0,5
9. se (pron.) -self, oneself [reflexive marker] / se / 1
10. no (adv.) no / no / 1
11. haber (verb) to have / haber / 1
12. por (prep.) by, for, through / pro / 1
13. con (prep.) with / con / 1
14. su (adj.) his, her, their, your (fam.) / su / 1
15. para (prep.) for, to, in order to / pro / 0,5
16. como (conj.) like, as / como / 1
17. estar (verb) to be / esser / 0,5
18. tener (verb) to have / haber / 0
19. le (pron.) [3rd pers. indirect object pronoun] / le / 1
20. lo (art.) the (+ noun) / lo / 1
21. lo (pron.) [3rd pers. masc. direct object pronoun] / le / 1
22. todo (adj.) all, every / toto / 1
23. pero (conj.) but, yet, except / ma, sed / 0
24. más (adj.) more / plus / 0
25. hacer (verb.) to do, make / facer / 1
26. o (conj.) or / o / 1
27. poder (verb) to be able to, can / poter / 1
28. decir (verb) to tell, say / dicer / 1
29. este (adj.) this (m); esta (f) / iste / 1
30. ir (verb) to go / ir / 1
31. otro (adj.) other, another / altere / 0
32. ese (adj.) that (m); esa (f) / ille / 0
33. la (pron.) [3rd pers. fem. direct object pronoun] / la / 1
34. si (conj.) if, whether / si / 1
35. me (pron.) me / me / 1
36. ya (adv.) already, still / jam, ja, ya / 1
37. ver (verb) to see / vider / 0,5
38. porque (conj.) because / proque / 1
39. dar (verb) to give / dar / 1
40. cuando (conj.) when / quando / 1
41. él (pron.) he / ille / 0
42. muy (adv.) very, really / multo / 0,5
43. sin (prep.) without / sin / 1
44. vez (noun, f.) time, occurrence / vice / 0,5
45. mucho (adj.) much, many, a lot / multo / 1
46. saber (verb) to know / saper / 1
47. qué (pron.) what?, which?, how (+ adj.) / que / 1
48. sobre (prep.) on top of, over, about / super / 0,5
49. mi (adj.) my / mi / 1
50. alguno (adj.) some; (pron.) someone / alcuno / 1
51. mismo (adj.) same / mesme / 1
52. yo (pron.) I / io, yo / 1
53. también (adv.) also / anque, etiam, tamben / 0,5
54. hasta (prep.) until, up to; (adv.) even / usque / 0
55. año (noun, m.) year / anno / 1
56. dos (num.) two / duo / 0,5
57. querer (verb) to want, love / voler, amar / 0
58. entre (prep.) between / inter / 0,5
59. así (adv.) like that / assi / 1
60. primero (adj.) first / prime / 1
61. desde (prep.) from, since / depost, desde / 1
62. grande (adj.) large, great, big / grande / 1
63. eso (pron., n.) that / isto / 0,5
64. ni (conj.) not even, neither, nor / ni / 1
65. nos (pron.) us / nos / 1
66. llegar (verb) to arrive / arrivar / 0
67. pasar (verb) to pass, spend (time) / passar / 1
68. tiempo (noun, m.) time, weather / tempore / 0,5
69. ella (pron.) sheellas them / illa, illas / 1
70.  (adv.) yes / si / 1
71. día (noun, m.) day / die / 1
72. uno (num.) one / un / 1
73. bien (adv.) well / ben / 1
74. poco (adj.) little few; (adv.) a little bit / poco, pauco / 1
75. deber (verb) should, ought to; to owe / deber / 1
76. entonces (adv.) so, then / alora, tunc / 0
77. poner (verb) to put (on); get (+ adj.) / poner / 1
78. cosa (noun, f.) thing / cosa / 1
79. tanto (adj.) much / tanto / 1
80. hombre (noun, m.) man, mankind, husband / homine / 0,5
81. parecer (verb) to seem, look like / parer / 0,5
82. nuestro (adj.) our / nostre / 1
83. tan (adv.) such, a, too, so / tal, tanto / 1
84. donde (conj.) where / ubi / 0
85. ahora (adv.) now / alora, nunc / 1
86. parte (noun, f.) part, portion / parte / 1
87. después (adv.) after / depost / 0,5
88. vida (noun, f.) life / vita / 1
89. quedar (verb) to remain, stay / remaner / 0
90. siempre (adv.) always / sempre / 1
91. creer (verb) to believe / creder / 1
92. hablar (verb) to speak, talk / parlar / 0,5
93. llevar (verb) to take, carry / portar / 0
94. dejar (verb) to let, leave  lassar / 0
95. nada (pron.) nothing / nihil / 0
96. cada (adj.) each, every / cata / 0
97. seguir (verb) to follow / sequer / 1
98. menos (adj.) less, fewer / minus / 1
99. nuevo (adj.) new / nove / 0,5
100. encontrar (verb) to find / trovar / 0

Similaritate, espaniol/Interlingua: 73,5 punctos/procentos.

Conclusiones:
Interlingua et espaniol es multo similar. Plus que 70 procentos del 100 parolas plus frequente es similar.
Le experientia practic de interlinguistas monstra que Interlingua es ben comprendite del parlantes de espaniol.




Mar 21, 2018

Incontro nordic 2018



Inter le 25 e 29 julio eveni le 16e incontro nordic de interlingua al belle insula danese Bornholm. Illo sera locate in Bornholms Højskole, le schola superior de Bornholm.

Io venira al incontro. Si vos anque veni, nos nos pote incontrar!
Le film in alto es facite per Thomas Breinstrup, le principal organisator del incontro. Io lo ha traducite ex danese a svedese, e registrate le texto. Le sono es un poco accelerate pro sequer le tempo del video original in danese, un lingua que, in mi experientia, normalmente es parlate plus rapidemente que svedese.

Anque personas foras del paises nordic es multo benvenite al incontro!

Hic es plus de information, in danese e interlingua:
http://www.interlingua.dk/nordic2018/index.html

Hic es le scheda de inscription:
http://www.interlingua.dk/nordic2018/inscription.htm

A revider in julio!

Mar 19, 2018

Le lingua de mi patre



Minun isäni kieli

(finnese, traducite per Yelling Rosa)

Olen unohtanut isäni kielen,
muut kielet ottivat sen paikan,
mutta isä minulla on jäljellä,
kukaan ei voi häntä syrjäyttää.

Kun opin tuntemaan hänet,
opin tuntemaan myös itseni.
Hän opetti minut näkemään
arkipäivän salatut ihmeet.


Le lingua de mi patre

(Interlingua)

Io ha perdite le lingua de mi patre,
altere idiomas lo ha substituite
ma mi patre ancora remane,
nemo pote reimplaciar le

Quando io comenciava cognoscer le
io melior cognosceva me mesme
Ille me monstrava le inexpectate
miraculos del vita quotidian



The language of my father

(anglese)

I have lost the language of my father,
other tongues took its place
but I still have my father,
no one can replace him

When I got to know him
I got to know myself as well
He taught me to see
the unexpected miracles of daily life



Min faders språk

(svedese)

Jag har förlorat min faders språk,
andra mål har tagit dess plats
men min fader har jag kvar,
ingen kan ersätta honom

När jag lärde känna honom
lärde jag även känna mig själv
Han lärde mig att se
vardagens oväntade mirakler

Attendente le sonios

Io jace in mi lecto,
respira profundemente
e attende le sonios

Imagines inexpectate
caressa mi mente
Le aures audi sonos interior
Voces se revela ex nihil

Sentimentos e pensatas
se amalgama
ad un phantasia surprendente
le qual vola via
in grande distantia
e postea retorna
ante que io poteva palpebrar

Un ultime palpebration,
ante que le sonios
me prende via

Congelate bullas de sapon



Un matino hibernal
io suffla bullas de sapon

Illos cade al nive fresc
e se rigidifica

Micre crystallos de glacie
rapido comencia crescer

Stellas e filices toto blanc
tosto plena le integre sphera

Un mundo unic es create
con su proprie formas e figuras

Un momento deveniva solidificate
e postea attende su dissolution
per le radios solar vaporisante
o per leve sufflos de aere

Mar 7, 2018

Similaritate Interlingua/anglese

Con iste articulo io comencia un nove serie: comparationes del vocabulario le plus commun inter Interlingua e altere linguas.
Io vole mesurar quanto similar es le lingua quotidian. Io cercara listas del 100 plus commun parolas in differente linguas e comparara los con le parolas correspondente in Interlingua.

Si le parola es le mesme o quasi le mesme, assi que un parlator del lingua comparate facilemente comprenderea le parola de Interlingua, isto da 1 puncto.
Si le parola es solmente partialmente similar e pote esser difficile a comprender, isto da 0,5 punctos.
Si le parola es totalmente differente, isto da 0 punctos.
Si le parola es differente, ma il ha un synonymo (plus rar) in un del linguas, que es similar al parola in le lingua comparate, io non pote considerar isto, proque io non cognosce tote le linguas comparate, e isto influerea le resultatos inter le differente comparationes.
Assi le comparationes non da un exacte imagine de quanto on pote comprender, solmente un estimation.

Naturalmente iste methodo non es scientific. Le selection del plus commun parolas es arbitrari e le appreciation del similaritate es subjective e non basate super lor cognation etymologic, ma solmente al similantia actual.

Anque le grammatica non es tractate. Io voleva usar un methodo simple, ma totevia indicative del similantia del vocabulario. Quando al grammatica de Interlingua, illo es minimal, minus complicate que lo del quasi omne le linguas de comparation, assi creante un comprension asymmetric, al avantage del parlantes del linguas de comparation.
Le selection de 100 parolas es proque isto es un amonta maneabile, ma totevia assatis ample. In plus, isto da le opportunitate de exprimer le similaritate in percentos.
Quando un parola ha plure significantias, io selige le significantia le plus commun. Si il ha plure eligibile synonymos, io prende le plus commun.
Si vos vide errores, per favor lassa un commentario, e io va corriger los.

In iste prime articulo io comparara Interlingua e anglese. Isto es un caso special, considerante que quasi omne le plus frequente parolas de anglese es de origine germanic, ma le parolas un poco plus rar, scientific e litterari, sovente es de origine normando/francese, latin e grec. Assi, quanto plus complicate le texto o conversation, tanto plus similar deveni le vocabulario de Interlingua e anglese.
Alora, le comparation es a un nivello linguisticamente multo basic, que non reflecte le grande numero de parolas imprestate in anglese. A causa de isto, io ha create un secunde comparation inter Interlingua e anglese, sub le prime, que compara le 100 prime parolas de iste articulo. Illo ha un linguage assatis academic, ubi anglese usa multe de iste parolas imprestate. Gratias a iste duo comparationes on pote reflecter super le similaritate inter Interlingua e anglese a duo nivellos: basic e avantiate.

In le sequente articulo io comparara Interlingua et espaniol.

***

Isto es le comparation del 100 parolas anglese le plus commun con le parolas correspondente in Interlingua. Le lista del 100 parolas anglese es prendite del sequente fonte:

https://www.ef.com/english-resources/english-vocabulary/top-100-words/

Secundo Wikipedia le 100 parolas le plus frequente constitue circa le medietate del parolas usate in textos anglese:
https://en.wikipedia.org/wiki/Most_common_words_in_English

Anglese - Interlingua - Similaritate

a - un 0
about - super, de 0
all - omne 0
also - anque 0
and - e 0
as - como 0
at - a 0,5
be - esser 0
because - proque 0
but - sed, ma 0
by - per 0
can - pote 0
come - venir 0
could - poterea 0
day - die 0
do - facer 0
even - mesmo 0
find - trovar 0
first - prime 0
for - pro 0
from - de 0
get - reciper 0
give - dar 0
go - ir, vader 0
have - haber, ha 0,5
he - ille 0
her - su 0
here - hic, ci 0,5
him - le 0
his - su 0
how - como 0
I - io 0,5
if - si 0
in - in 1
into - a, verso 0
it - illo 0
its - su 0
just - solo 0
know - saper 0
like - gustar, como 0
look - mirar, aspecto 0
make - facer 0
man - homine 0
many - multe 0
me [mi:] - me 0,5
more - plus 0
my - mi 0,5
new - nove 0,5
no - no 1
not - non 0,5
now - nunc, ora 0
of - de 0
on - a, super 0
one - un 0,5
only - solmente 0
or - o 0,5
other - altere 0,5
our - nostre 0
out - foras 0
people - gente 0
say - dicer 0
see - vider 0
she - illa 0
so - assi 0,5
some - certe 0
take - prender 0
tell - dicer 0
than - que 0
that - illo 0
the - le 0,5
their - lor 0
them - les 0
then - alora 0
there - ibi, il 0
these - iste 0
they - illes 0
thing - cosa 0
think - pensar 0
this - isto, iste 0,5
those - ille 0
time - tempore 0,5
to - a 0
two - duo 0
up - in alto 0
use - usar 0,5
very - multo 0
want - desirar 0
way - via 0
we - nos 0
well - ben 0
what - qual, que 0
when - quando 0
which - qual 0
who - qui 0
will - va 0
with - con 0
would - deberea 0
year - anno 0
you - tu, vos 0
your - tu 0

Similaritate: 10 punctos/procentos 



Isto es le comparation inter anglese e Interlingua, usante le prime
100 parolas del texto. Le parolas es traducite de Interlingua, isolate, non considerante le contexto, pro vider lor similaritate individual.
Io ha removite le cifras. Certe parolas es repetite, ma isto non es un problema quando on vole recrear un exemplo authentic.

Interlinga - Anglese - Similaritate

Con - with 0
iste - this 0,5
articulo - article 1
io - I 0,5
comencia - begin 0
un - a 0
nove - new 0,5
serie - series 1
comparationes - comparisons 1
del - of 0
vocabulario - vocabulary 1
le - the 0,5
plus - most 0
commun - common 1
inter - between 0
Interlingua - Interlingua 1
e - and 0
altere - other 0
linguas - languages 0,5
io - I 0,5
vole - want 0
mesurar - measure 1
quanto - how 0
similar - similar 1
es - is 0,5
le - the 0,5
lingua - language 0,5
quotidian - daily 0
io - I 0,5
cercara - search 0,5
listas - lists 1
del - of the 0
plus - most 0
commun - common 1
parolas - words 0
in - in 1
differente - different 1
linguas - languages 0,5
e - and 0
comparara - will compare 0,5
con - with 0
le - the 0,5
parolas - words 0
correspondente - corresponding 1
in - in 1
Interlingua - Interlingua 1
si - if 0
le - the 0,5
parola - word 0
es - is 0,5
le - the 0,5
mesme - same 0
o - or 0,5
quasi - almost 0
le - the 0,5
mesme - same 0
assi - so 0
que - that 0
un - a 0
parlator - speaker 0
del - of the 0
lingua - language 0,5
comparate - compared 1
facilemente - easily 0
comprenderea - would understand 0
le - the 0,5
parola - word 0
de - of 0
Interlingua - Interlingua 1
isto - this 0
da - give 0
puncto - point 0,5
si - if 0
le - the 0,5
parola - word 0
es - is 0,5
solmente - just 0
partialmente - partially 1
similar - similar 1
ma - but 0
pote - could 0
esser - be 0
difficile - difficult 1
a - to 0
comprender - understand 0
isto - this 0,5
da - give 0
punctos - points 0,5
si - if 0
le - the 0,5
parola - word 0
es - is 0,5
totalmente - totally 1
differente - different 1
isto - this 0,5
da - give 0
punctos - points 0,5
Si - if 0
le - the 0,5
parola - word 0

Similatitate: 37,5 punctos/procentos

Conclusiones:
Linguas ha differente nivellos del vocabulario. Isto es multo clarmente monstrate de anglese: le nucleo del lingua, le parolas le plus commun, reflecte le origine germanic del lingua.
Le parolas plus rar, scientific et educate plus sovente es imprestate. Isto on vide multo clarmente in anglese ma anque es ver in varie grados in altere linguas.
Io pensa que le comparation del vocabulario le plus commun inter linguas pote dar un idea de in quante grado le linguas divide le mesme origine.
Quando on compara Interlingua con altere linguas in iste modo, isto monstra in quante grado Interlingua es comprensibile pro le parlatores del altere lingua in situationes quotidian, quando le vocabulario quotidian es usate.
Le conclusion es que Interlingua es multo difficile a comprender pro parlatores de anglese a un nivello quotidian (10%), ma plus comprensibile a un nivello litterari (37,5%).